«Baqytty Bala - 2021» байқауына 7 елден келген жас дарындар қатысты

10 Тамыз 2021, 16:29
1587
Бөлісу:
«Baqytty Bala - 2021» байқауына 7 елден келген жас дарындар қатысты
PHOTO

Нұр-Сұлтан, BAQ.KZ. Облыс әкімі Оңдасын Оразалин «Baqytty Bala» үшінші балалар вокалдық байқауының ​қазылар алқасымен және құрметті қонақтарымен кездесті. 

Бұл туралы Ақтөбе облысы әкімдігінің баспасөз хатшысы Ғани Өтепбайұлы Facebook-тегі парақшасында хабарлады.

Олардың қатарында Болгария, Өзбекстан және Қазақстан өкілдері - Николай Текелиев, Сильвия Андрианалариманга, Марат Айтимов, Светлана мен Қанат Айтбаевтар, Клара Төленбаева, Рухия Байдүкенова және т.б. бар.

«Baqytty Bala - 2021» байқауына 7 елден келген жас дарындар қатысты

Сіздерді Ақтөбе жерінде көргеніме қуаныштымын. «Baqytty Bala» байқауы әдемі дәстүрге айналды. Өкінішке қарай, шектеулерге, қабаттасқан пандемияға байланысты былтыр байқау өткен жоқ. Алайда биыл көпшілік пен мәдениет саласындағы шығармашылық қайраткерлерінің сұрауымен шараны ұйымдастырамыз деп шештік,- деді облыс әкімі.
«Baqytty Bala - 2021» байқауына 7 елден келген жас дарындар қатысты

Әңгімелесу кезінде қатысушылар мен қазылар алқасы байқаудың ұйымдастырылуы мен өткізілуі жоғары деңгейде екенін атап өтті.
Бәрі өте түсінікті, әдемі және ұқыпты ұйымдастырылған. Облыс әкімдігінің бұл шараға белсенді әрі тікелей қатысып отырғанына таңғалып отырмын, сол үшін сізге бөлек алғыс айтамын. Өйткені Болгарияда мемлекеттік органдар мәдени шараларды ұйымдастыруға көп қатыса бермейді, - дейді қазылар алқасының мүшесі, эстетика​ докторы Николай Текелиев.
Қазылар алқасы қатысушылардың да деңгейлері жоғары екенін мойындады.

«Baqytty Bala - 2021» байқауына 7 елден келген жас дарындар қатысты
Алдын ала іріктеу сапалы өткендіктен, негізгі байқауға өте дарынды балалар жіберілген. Олар орындау шеберлігі жағынан ересектерден қалыспайды. Төрелік ету қиын болады-ау, - деді Өзбекстан өкілі, әнші Сильвия Андрианалариманга.
«Baqytty Bala» эстрадалық әндер байқауы алғаш рет 2018 жылы өтті. 

«Baqytty Bala - 2021» байқауына 7 елден келген жас дарындар қатысты

Осы жылы негізгі байқаудан Греция, Болгария, Әзербайжан, Украина, Ресей, Польша және Қазақстаннның түрлі өңірінен келген 10-16 жас аралығындағы дарынды жастар өтті. 

Олардың бәрі де 200 үміткер қатысқан дистанциялық іріктеуден өткен. 

Бірінші байқау күні 9 тамызда өтсе, ән байқауының соңы 11 тамызда Өнер орталығында өтетін болады. 

Шара барлық санитарлық талапты сақтай отыра ұйымдастырылған.

Өзгелердің жаңалығы