Балалардың түнгі серуені үшін 1700-ден астам ата-ана жауапкершілікке тартылды

9 Маусым 2022, 14:45
1410
Бөлісу:
Балалардың түнгі серуені үшін 1700-ден астам ата-ана жауапкершілікке тартылды

Нұр-Сұлтан, BAQ.KZ. Ювеналдық полиция қызметкерлері кәмелетке толмағандар арасындағы құқық бұзушылықтардың алдын алу, олардың заңды өкілдерінің еріп жүруінсіз түнгі уақытта ойын-сауық мекемелерінде және үйден тыс жерлерде болуына жол бермеу мақсатында тұрақты негізде жергілікті-рейдтік іс-шаралар өткізеді, деп хабарлады ПД Баспасөз қызметі.

Тәртіп сақшылары қоғамға жат әрекеттерді анықтау мақсатында аулаларды, саябақтарды, скверлерді және жастар мен кәмелетке толмағандар жиналатын басқа да орындарды тексереді. 

Полицейлер жыл басынан бері кәмелетке толмағандардың ересектердің қарауынсыз түнде жүруіне жол бергені үшін 1738 заңды өкіл әкімшілік жауапкершілікке тартылды. Қайта бұзушылық жасағаны үшін ҚР ӘҚБтК-нің 442-бабы бойынша шешімді Нұр-Сұлтан қаласының Кәмелетке толмағандардың істері жөніндегі Мамандандырылған ауданаралық соты қабылдайды, - деп атап өтті Нұр-Сұлтан қаласы ПД Жергілікті полиция қызметі басқармасының бастығы Арман Айтмағамбетов.

Сонымен қатар, рейдтер барысында әкімшілік және қылмыстық заңнама нормаларын түсіндіру бойынша профилактикалық әңгімелер жүргізе отырып, балалардың құқықтарын бұзу фактілерін анықтау объектілері тексеріледі. ҚР ӘҚБтК-нің 132-бабы бойынша "кәмелетке толмағандардың түнгі уақытта ойын-сауық мекемелерінде болуына жол беру" бойынша 44 құқық бұзушылық анықталды.

Сонымен қатар, тәртіп сақшылары кәмелетке толмағандарды тәрбиелеу және олардың құқықтарын қорғау жөніндегі міндеттерді орындамағаны үшін 130 ата-ананы әкімшілік жауапкершілікке тартты.

"Қадағалаусыз, қараусыз кәмелетке толмағандар" санаты бойынша 25 жасөспірім есепке қойылды. Девиантты мінез-құлықты балаларға арналған білім беру ұйымына жіберу мәселелері бойынша ювеналды полиция қызметкерлері әкімдік жанындағы Кәмелетке толмағандардың істері және олардың құқықтарын қорғау жөніндегі комиссияға 5 материал жіберді. Процессуалдық шешімді сот қабылдайды. 

Нұр-Сұлтан қаласының полицейлері кәмелетке толмағандарға түнгі уақытта ойын-сауық мекемелерінде сағат 22:00-ден 6:00-ге дейін, ал тұрғын үйден тыс жерде заңды өкілдерінің еріп жүруінсіз сағат 23:00-ден 6:00-ге дейін болуға тыйым салынғанын еске салады.

Өзгелердің жаңалығы