Нұр-Сұлтан, BAQ.KZ. Синоптиктер Қазақстан қалаларындағы 13 мамыр күнгі ауа сапасы туралы болжамын жариялады, деп хабарлайды "Қазгидромет" РМК.
Атап айтқанда, ауаның ластануының қолайсыз метеорологиялық жағдайы екі қалада – Атырау және Павлодарда күтіледі. Өзге шаһарларда метеоахуал қалыпты болады.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
