Бүгін Үкімет отырысында Оқу-ағарту министрі Асхат Аймағамбетов қандай пәндерді оқыту сағаттары көбейетінін айтты, деп хабарлайды BAQ.KZ тілшісі.
Президент жаратылыстану-математика цикліндегі және тілдік пәндерге басымдық беру туралы тапсырма берді. Математика, физика, химия, биология пәндерін оқыту сағаттары бағдарламада ұлғаяды. Оқу бағдарламалары жаңартылады, -деді Асхат Аймағамбетов.
Министрдің атап өтуінше, халықаралық тәжірибеге сәйкес 2024 жылдан бастап 3-сыныпта ағылшын тілін оқыту сағаттарын көбейту, қазақ және орыс тілдерін меңгеруге қажетті оқу жүктемесі қамтамасыз ету бойынша шаралар қабылданады.
