Ауылшаруашылық техникасының жеңілдетілген лизингі бойынша алуға 113 өтінім түсті

15 Тамыз 2022, 14:35
794
Бөлісу:
Ауылшаруашылық техникасының жеңілдетілген лизингі бойынша алуға 113 өтінім түсті

Ауылшаруашылық техникасының жеңілдетілген лизингі бойынша  9,3 млрд теңгеге 113 өтінім түсті, деп хабарлайды BAQ.KZ.

Ауыл шаруашылығы техникасын жеңілдікпен лизинг бағдарламасы басталған күннен бастап «ҚазАгроҚаржы» АҚ-ға отандық өндірістің 93 тракторы мен 52 комбайнын сатып алу үшін Қазақстанның 11 өңірінен ауыл шаруашылығы тауар өндірушілерінен жалпы сомасы 9,3 млрд теңгеге 113 өтінім келіп түсті. 

АШМ-нің мәліметі бойынша, бағдарламаға қатысуға өтінімдерді қабылдау 5 тамызда басталды. Қаржыландырудың жалпы сомасы 40 млрд теңген, оған мыңға жуық қазақстандық ауыл шаруашылығы техникасын сатып алу жоспарланып отыр. 

Бағдарламаның шарттары:

Лизинг мерзімі - 10 жылға дейін;

Сыйақы мөлшерлемесі - жылдық 6%; 

Лизинг бойынша бастапқы жарна - 0%;

Негізгі қарызды қайтару бойынша жеңілдікті кезең - 1 жыл.

Жеңілдікті бағдарлама шағын және орта ауыл шаруашылығы тауар өндірушілеріне арналған, сондықтан бағдарлама бойынша бір лизинг алушыға - 205 млн теңгеден артық берілмейді және техника үш бірліктен аспауы үшін лимит белгіленген. Лизинг алушыны қаржыландыру екі жылдық кезең ішінде бір реттен артық берілмейді, - делінген хабарламада.

Өзгелердің жаңалығы