Нұр-Сұлтан, BAQ.KZ. Елордада бірқатар бағытқа жолдар жабылды. Бұл туралы QazAvtoJol ұлттық компаниясы мәлімдеді.
Мекеменің мәліметінше, Қарағанды, Ақмола, Павлодар, Шығыс Қазақстан облыстарында және Нұр-Сұлтан маңында боранға байланысты жол жабылған.
Атап айтқанда, Нұр-Сұлтан – Петропавл (18-231 шақырымы), Нұр-Сұлтан – Ерейментау – Шідерті (16-200 шақырымы), Екатеринбург – Алматы (1006-1247 шақырымы), Нұр-Сұлтан – Қабанбай батыр – Киевка – Теміртау (51-102 шақырымы), Қызылорда – Павлодар (1135-1383 шақырымы), Өскемен – Шемонаиха (105-123 шақырымы) тасжолдары жабылды.
Көліктің барлық түрінің қозғалысына тыйым салынған. Ал Өскемен - Ресей шекарасы (15-105 шақырымы) тасжолында тіркемесі бар ауыр жүк көліктерінің жүруіне шектеу қойылған.
Бұған дейін 2 қаңтарға арналған ауа райы болжамын ұсынғанбыз.
