Нұр-Сұлтан, BAQ.KZ. Қазгидромет 9 наурыз күнгі ауа райына байланысты еліміздің 8 облысында дауылды ескерту жариялады.
Ақтөбе облысының кей жерлерінде жаяу бұрқасын болып, оңтүстік-батыстан, батыстан жел соғады. Кей жерлерде 15-20 м/с-қа жетеді. Кей жерлерінде тұман түседі.
Ақмола облысының кей жерлерінде тұман түсіп, жаяу бұрқасын соғады. Оңтүстік-батыстан, оңтүстіктен соққан жел кей жерлерде 15-20 м/с, күндіз екпіні 25 м/с дейін жетеді.
Маңғыстау облысының кей жерлерінде тұман түсіп, көктайғақ болады.
Ақтау қаласында көктайғақ болады.
Қостанай облысының кей жерлерінде жаяу бұрқасын соғып, тұман түседі. Оңтүстік-батыстан соққан желдің күші 15-20 м/с, екпіні 23-28 м/с жетеді.
Батыс Қазақстан облысының кей жерлерінде тұман түсіп, жаяу бұрқасын соғып, көктайғақ болады. Оңтүстік-батыстан соққан желдің күші кей жерлерде 15-20 м/с болады.
Қызылорда облысының кей жерлерінде тұман түсіп, күндіз көктайғақ болады. Солтүстік-шығыстан, шығыстан жел соғады, күші күндіз кей жерлерде 15-20 м/с жетеді.
Қарағанды облысының кей жерлерінде тұман түседі.
Солтүстік Қазақстан облысының кей жерлерінде жаяу бұрқасын соғып, тұман түседі. Оңтүстік-батыстан соққан желдің күші 15-20 м/с, кей жерлерде екпіні 23-28 м/с дейін жетеді.
