Атышулы іс бойынша ең жоғары үкім: 24 жыл

13 Мамыр 2024, 17:38
540
Бөлісу:
Атышулы іс бойынша ең жоғары үкім: 24 жыл
Фото: Жоғарғы Сот

Іс алқабилердің қатысуымен қаралды, деп хабарлайды BAQ.KZ.

Қазақстанда алқабилердің қатысуымен тұңғыш рет тікелей эфирде өткен сот шешімі жария болды. Экс-министр Қуандық Бишімбаевқа бұрынғы әйелі Салтанат Нүкенованы аса қатігездікпен өлтіргені үшін ең ауыр үкім – ширек ғасырға жуық бас бостандығынан айыру жазасы берілді.

Алқабилер алқасының үкімімен Бишімбаев жәбірленуші Салтанат Нүкенованы 2023 жылғы наурыз айының ортасынан бастап 9 қарашаға дейін кінәліге материалдық тәуелділікте болған адамға қатысты жүйелі түрде ұрып-соғу немесе өзге де күш қолдану арқылы дене және психикалық зардап шеккені үшін (ҚК 110-бабы 2-бөлігінің 1-тармағы), сондай-ақ 09.11.2023 жылы Нүкенованы өлтіргені, яғни аса қатыгездікпен басқа адамды заңсыз қасақана өлтіргені (ҚК-нің 99-бабының 2-бөлігі, 5-тармағы) үшін кінәлі деп танылды.

Бишімбаев қылмыстардың жиынтығы бойынша 24 жылға бас бостандығынан айырылды.

Сотталушылардың кінәсі жәбірленушінің, куәлардың айғақтарымен, аудио-бейнематериалдармен, сараптамалық қорытындылармен және қылмыстық істің басқа материалдарымен дәлелденді, - деді судья.

Жаза мөлшері туралы мәселені судья мен алқабилер Қылмыстық іс жүргізу кодексінің 656-бабына сәйкес ашық дауыс беру арқылы көпшілік дауысты ескере отырып шешті.

Айта кетейік, сот отырысында сотталушылар өз кінәларын мойындамады. 

Өзгелердің жаңалығы