Атырау облысы: Тәулік ішінде Жем өзені 15 см төмендеді

13 Сәуір 2024, 00:18
385
Бөлісу:
Атырау облысы: Тәулік ішінде Жем өзені 15 см төмендеді
Фото: Орталық коммуникациялар қызметі

Бұл туралы Атырау облысы Төтенше жағдайлар департаменті баспасөз қызметінің ресми өкілі Айсұлу Келдіғалиева Орталық коммуникациялар қызметінің алаңында өткен баспасөз мәслихатында мәлімдеді, деп хабарлайды BAQ.KZ.

Айтуынша, су тасқыны басталғалы бері Жем өзені 107 см төмендеген. Жалпы ауданда жаға бекіту жұмыстары тоқтаған жоқ. Барлық қызметтер күшейтілген режимде жұмыс істеп жатыр. Жаға бекіту жұмыстарына 6554 адам, 233 бірлік техника, 17 бірлік жүзу құралдары және 21 бірлік мотопомпалар жұмылдырылды.

Соңғы деректер бойынша, аудан орталығында су астында қалған үйлер саны 2798 құрап отыр. Сонымен қатар аудан төңірегінде облыстық маңызы бар Доссор-Құласары-Ақтау тасжолын су шайып кетті. Жылыой ауданынан 36 738 адам, оның ішінде 9 373 бала қауіпсіз жерге эвакуацияланды. 10 мыңнан астам төрт түлік мал қауіпсіз жерге көшірілді, - деді ресми өкіл.

Өзгелердің жаңалығы