Бүгін қазақстандықтар Абай күнін атап өтіп жатыр. Ұлы ақынның мұрасын ұлықтау шаралары Астанада да өтеді, деп хабарлайды BAQ.KZ.
Солардың бірі – «Домбыра Party» әдеби сазды кеші.
Айтулы шара Есіл өзенінің жағалауы, Хан Кенесары ескерткішінің маңы, жазғы караоке алаңында 10 тамызда кешкі сағат сегізде басталады.
«Дана Абайдың әндерін шырқап, руханият бұлағы - өлеңдері мен қара сөздерін еске түсіріп, Есілдің жағасында демалып қайтасыздар», - дейді шараны ұйымастырушылар.
Айта кетейік, Абай күні Қазақстанда 2020 жылдан бері аталып өтіп келеді. Ұлы ақынның 175 жылдың мерейтойы қарсаңында ел үкіметі аталған датаны мерекелер тізіміне енгізді.
