Тұрғын үй және тұрғын үй инспекциясы басқармасы басшысы Әнуар Саипов мәслихат отырысында 1 млрд 260 миллион теңгеге қандай жер учаскелері сатып алынатынын айтты, деп хабарлайды BAQ.KZ тілшісі.
Астана қаласының Тұрғын үй және тұрғын үй инспекциясы басқармасы Астана қаласы мәслихатының сессиясының қарауына 1 млрд 260 миллион теңге сомасында жалпы ауданы 15 га, 16 объекті бойынша 58 жер учаскелерді сатып алу жөнінде шарттың жобасын ұсынады, - деді ол.
Жер учаскелерін сатып алу мына құрылыс объектілері бойынша жүзеге асады:
1. Мәңгілік Ел даңғылы мен Сығанақ көшесінің қиылысындағы аудандағы көшелер;
2. Мектеп, А.Тоқпанов көшесі;
3. Балабақша, Ш.Қалдаяқов және С.Нұрмағамбетов көшелерінің қиылысы ауданында (жобалық атауы);
4. Археология институтының жаңа кешені А.Х. Марғұлан No 48, No 69, А106, А108 көшелер алаңындағы (жобалық атаулар);
5. Әкімшілік ғимарат, Ш.Айтматов көшесі мен Қорғалжын тас жолының қиылысында;
6. Балабақша, Ақан сері мен СФЛ-2 көшелерінің қиылысы ауданында (жобалық атауы);
7. Сырдария көшесі, С.Сейфуллин көшесінен Ә.Жангелдин көшесіне дейінгі учаскеде;
8. Хусейн бин Талал көшесі, № 38 көшеден Абылай хан даңғылына дейінгі учаскеде;
9. Мектеп, Керегетас пен Г.Потанин көшелерінің қиылысына жақын жерде;
10. А.Тоқпанов көшесі мен Тәуелсіздік даңғылының арасындағы көшелер;
11. СФЛ-2 және СФЛ-5 көшелері (жобалық атаулары), Еңілік-Кебек көшесінен С189 көшесіне дейінгі учаскеде (жобалық атауы);
12. Мектеп, С 645 (жобалық атауы) және Еңілік-Кебек көшелерінің қиылысына жақын жерде;
13. А50 және А51 көшелері (жобалық атаулары), А.Байтұрсынұлы, Ж.Нәжімеденов, А50 және А51 көшелері алаңында;
14. Кіші айналма жол, V учаске (Ш. Бейсекова көшесі), Н.Тілендиев даңғылынан Конституция көшесіне дейін;
15. Кіші айналма жол (3,4 учаске), А.Пушкин көшесінен Конституция көшесіне дейін;
16. Әкімшілік ғимарат, Қабанбай батыр даңғылы мен Хусейн бин Талал көшесінің қиылысына жақын.
Мәслихат депутаттары жобаны дауысқа салып, оң шешім шығарды.
