Астанада сол жағалаудағы тұрғын үйден өрт шықты

4 Желтоқсан 2022, 12:41
739
Бөлісу:
Астанада сол жағалаудағы тұрғын үйден өрт шықты

Астана қаласында сол жағалаудағы тұрғын үй кешенінде балкон өртенді, деп хабарлайды BAQ.KZ.

Өртті сөндіруге 12 қызметкер мен 3 техника жұмылдырылды.

Қалалық ТЖД баспасөз қызметінің ақпаратынша, бүгін 08.28-де Тұран даңғылындағы "Barys City" тұрғын үй кешенінен өрт шыққаны туралы хабар түскен.

Өрт сөндірушілер оқиға орнына жеткенде екінші қабаттағы пәтердің балконы жанып жатқаны анықталды.

Қатты түтін болды. Құтқарушылар тұрғындарды эвакуациялауға кірісті. Барлығы 16 адам, оның алтауы – бала, сыртқа шығарылды, - делінген хабарламада.

Сағат 09.10-да өрт сөндірілді. Қаза болғандар жоқ.

Жалын 20 шаршы метр аумақты шарпыған. Өртті сөндіруге 12 қызметкер мен 3 техника жұмылдырылды.

Өзгелердің жаңалығы