Бұл туралы Астана қаласы коммуникациялар қызметі алаңында айтылды, деп хабарлайды BAQ.KZ тілшісі.
Қысқы триатлон Астана қаласының тұрғындары мен қала қонақтары, сондай-ақ циклдық спорт түрлерін ұнататын кәсіпқой және әуесқой спортшылар арасында жыл сайын өтетін қалалық ауқымдағы спорттық шара, - деді Астана қаласының Дене шынықтыру және спорт басқармасы басшысының міндетін атқарушы Еркеғали Корбозов.
Ол Астанада триатлонға қатысып, 3 спорт түрін қатар алып жүретін белсенді азаматтар саны артып келетінін айтты.
18 ақпанда Астана триатлон саябағында жарыс жолына шығатын қатысушылар жүгіруден 2,5 шақырым, веложарыстан 3 шақырым, шаңғы жарысынан 2,5 шақырым қашықтықта бақ сынайды. Қашықтықты белгіленген уақыттан кешіктірмей аяқтаған жарыстың әрбір қатысушысы медальдармен марапатталады, - деді ол.
