Астанада балконнан құлай жаздаған 5 жасар баланы оқушы құтқарып қалды

21 Мамыр 2024, 19:59
1574
Бөлісу:
Астанада балконнан құлай жаздаған 5 жасар баланы оқушы құтқарып қалды
Фото: скрин

Елордада 7-сынып оқушысы Ақан Әкімжанов ерлік жасап, тұрғын үйдің 4-қабатының балконында ілініп тұрған баланы құтқарып қалды, деп хабарлайды BAQ.KZ тілшісі.

Ақан Әкімжановтың баланы қалай құрқарып қалған видеосы әлеуметтік желілерде таралды.

Ақан Әкімжанов елордадағы №31 мектеп-гимназияның 7Д сынып оқушысы. Ол 20 мамырда аулада жүргенінде 4-қабаттың балконында ілулі тұрған баланы байқаған.

Сөйтіп Ақан бірден кіреберіске жүгіріп барып, 4-қабатқа көтеріліп, балконда құлай жаздаған 5 жасар баланы құтқарып қалды.

Ақан Әкімжанов көпбалалы отбасының мүшесі. Ол әрдайым өзінің іні-әпкелеріне де көмектесуге дайын екенін айтты.

 

Өзгелердің жаңалығы