Аргентинада газ құбыры жарылып, бір адам қаза тапты
Отыздан астам адам зардап шекті. Жарылыстан кейін өрт шығып, жақын маңдағы ғимараттардың тұрғындары эвакуацияланды.
14 Қараша 2026, 13:17
Аргентинаның Буэнос-Айрес қаласының маңындағы Ремедиос-де-Эскалада елді мекенінде газ құбыры жарылып, арты өртке ұласты. Салдарынан бір адам қаза тауып, 30-дан астамы жарақат алды.
La Nacion басылымының мәліметінше, оқиғаға жөндеу бригадасының жіберген қателігі себеп болған. Апат MetroGAS компаниясының газ тарату желісін жаңарту жұмыстары кезінде болған. Мердігер ұйымның техникасы орташа қысымды құбырға зақым келтіріп, соның салдарынан газ сыртқа шығып, өрт тұтанып, жарылыс болған.
Бастапқыда 20 адамның зардап шеккені, оның бесеуінің жағдайы ауыр екені хабарланған. Кейін жарақат алғандар саны 30-дан асқан.
Қайталама жарылыс қаупіне байланысты билік жақын маңдағы үйлердің тұрғындарын, сондай-ақ мектеп, қарттар үйі мен коммерциялық нысандардағы адамдарды эвакуациялады. Оқиға болған аумақта көлік қозғалысы да тоқтатылды.
Ең оқылған:
- 70-ке жуық платформа, толассыз есеп: Мұғалімдердің жүктемесін неге азайта алмай отырмыз?
- Алименттен бастап баспанаға дейін: Ерлан Қошановқа азаматтар қандай мәселелерді жеткізді?
- Президент: Конституцияны, оның негізгі ережелерін менсінбеу – халықты кемсітумен тең
- Президент: Заң мен сот алдында бәрі тең, «өзіміздікі» және «бөтен» деп бөлуге жол берілмейді
- Жаһандық техникалық ақау: АҚШ, Жапония және Австралияның мемлекеттік органдары байланыссыз қалды