26 қыркүйек ПД Ұйымдасқан қылмысқа қарсы күрес басқармасының қызметкерлері екі 25 жастағы ақтөбелік жігітті ұстады, деп хабарлайды BAQ.KZ.
Олар қала тұрғындарынан 2 млн теңгеге жуық ақша қаражатын ашық түрде тартып алған және бопсалаумен айналысқан.
Сонымен қатар күдіктілер екі 22 жастағы жәбірленушілерді жалдамалы пәтерде ұстап, қысым көрсетіп қорқытқан.
ҚК 191-бабы 2-бөлігі бойынша қылмыстық іс қозғалып, сотқа дейінгі тергеу жүргізілуде.
