Ақтөбеде мектептен өрт шығып 900-ге жуық оқушы эвуакацияланды, деп хабарлайды BAQ.KZ.
Оқиға бүгін сағат 08:00 шамасында Сәтбаев көшесінде орналасқан №23 орта мектеп-лицейінде болған. Зардап шеккендер жоқ.
2023 жылғы 22 ақпанында сағат 08:01-де 112 құтқару қызметіне Ақтөбе қаласы, Астана ауданының Сәтпаев көшесіндегі №23 орта мектеп-лицейінде өрт шыққаны туралы хабарлама келіп түсті. Шақырту орнына тез арада 53 құтқарушы мен 14 бірлік техника жіберілді. Шақырту орнына құтқарушылар жеткен кезде 1-қабатта орналасқан кабинет ашық жалынмен жанып жатқаны анықталды.
Құтқарушылардың жедел әрекетінің арқасында мектеп лицейден 890 оқушы 60 ересек адам эвуакацияланды. Зардап шеккендер жоқ. Өрт сағат 08:12-де толықтай сөндірілді. Өрттің алдын ала шығу себебі қысқа тұйықталу, - деді ведомство өкілдері.
Ақтөбе облысы ТЖД өрт қауіпсіздік ережелерін қатаң сақтауды ескертеді.
Қысқа тұйықталудың алдын алу:
- электр сымдарының, ажыратқыштардың, розеткалардың, сондай-ақ аспаптарды электр желісіне қосатын электр шнурларының жарамды күйін үнемі бақылап отырыңыз. Жұмыс кезінде ұшқын шығаратын және жарықтары бар розеткалар мен ажыратқыштарды, зақымдану немесе оқшаулаудың бұзылу белгілері бар электр сымдарын, ақаулы тұрмыстық аспаптарды дереу жаңасына ауыстырыңыз;
- сіздің үйіңіздің энергия тұтынуын есептеуді, электр сымдарының қимасын таңдауды, электр сымдарын монтаждауды және күрделі тұрмыстық аспаптарды орнатуды осы жұмыс түрін өндіруге тиісті сертификаттары (біліктілігі) бар ұйымдарға ғана сеніп тапсырыңыз;
- розеткаларды электр құрылғыларымен толтырмаңыз. Электр желісінің шамадан тыс жүктелуінен қорғау үшін әрдайым автоматты өшіру қорғаныс құрылғыларын қолданыңыз (ажыратқыштар және т. б.).);
- үйде жөндеу және шаруашылық жұмыстарын мұқият жүргізіңіз. Электр желілерін төсеу орындарында қабырғаларды бұрғыламаңыз. Сымдардың және электр аспаптарының ток өткізгіш бөліктеріне судың түсуін болдырмаңыз. - орнату және ұсақ жөндеу алдында әрдайым электр құрылғыларын желіден ажыратыңыз;
- қуат сымдарын үлкен байламмен (турникетпен) салмаңыз, сымдарды параллель қойыңыз, арнайы қораптар мен отқа төзімді кабель арналарын қолданыңыз.
