Ақтөбе облысында өткен жылы Қарғалы ауданы Әлімбет ауылын газдандыру бойынша құрылыс жұмыстары басталып, жобаны аяқтау 2023 жылға жоспарланған еді. Аталған газдандыру жұмысы толық аяқталды, деп хабарлайды BAQ.KZ өңір әкімдігінің баспасөз қызметіне сілтеме жасап.
Қазіргі уақытта құрылыс-монтаж жұмыстары толығымен аяқталған. Аудандық газ шаруашылығы газ желісіне зерттеу жүргізіп, нәтижесінде Әлімбет ауылы жаңа газ құбырын іске қосуға рұқсат алып отыр.
Аудан әкімі Асқар Жүсібалиев нысанды пайдалануға беру шарасына қатысып, ауыл тұрғындарының қуанышымен бөлісті. Көптен күткен көгілдір отын Әлімбет ауылының тұрғындары үшін енді қолжетімді болмақ. Игілікті іс үшін ауыл тұрғындары алғыстарын білдірген.
