Нұр-Сұлтан, BAQ.KZ тілшісі. Аршалы ауданының Жалтыркөл ауылында құны 39 млн теңге болатын құс фабрикасының құрылысы бойынша ірі жоба жүзеге асырылуда.
Бұл туралы өңірдің ішкі саясат басқармасы хабарлады.
Жақында мұнда «Ақ-Дала Агро» ЖШС құс етін өндіретін құс фабрикасының үшінші кезегі іске қосылды. Жоба Нұр-Сұлтан қаласының айналасындағы азық-түлік белдеуін дамыту аясында жүзеге асырылуда.
Ауданы 36 га жер учаскесінде құрылыс-монтаждау жұмыстары орындалды. Фермада технологиялық жабдықтары бар алты құс үйі бар. Фабрика 4 алаңнан тұрады: инкубатор, қоспа жем өндіру цехы, сою цехы және бройлер өсіру ғимараты. Тағы 9 құс қорасының құрылысы жоспарланған.
.jpeg)
Құс фабрикасының қуаттылығы 10 мың тонна тауық етін өндіруге жетеді. 2023 жылы 22 мың тоннаға дейін көтереміз, – деді «Ақ-Дала Агро» ЖШС кәсіпорнының бас директоры Марат Қарсыбаев.
Дайын өнімдер елордада, Қарағанды облысында және Қазақстанның солтүстік өңірлерінде сатылатын болады.
Кәсіпорын өкілі атап өткендей, құс фабрикасы құрылысының төртінші кезегін іске қосу кезінде шамамен 400 жұмыс орнын құруға мүмкіндік береді.
.jpeg)
Айта кету керек, жобаның арқасында көптеген жергілікті тұрғындар жұмыс орнын тапты. Бүгінде мұнда 150-ге жуық адам жұмыс істейді, олардың орташа жалақысы 350 мың теңге.
Ақмола облысы республика бойынша тауық етінің 40% - ын, жылына 75 мың тоннадан астам ет өндіреді.
