Ақмола облысында балықтардың қырылу себебі анықталды

Ақмола облысында балықтардың қырылу себебі анықталды
572

Бурабайдағы балықтардың қырылуына не себеп болғаны анықталды, деп хабарлайды BAQ.KZ.

Экологтардың мәліметінше, бұған табиғи факторлар сеп болуы мүмкін. Олай деуге судағы тұз, фторид және биохимиялық оттегі мөлшерінің қалыпты шамадан артық болуы дәлел. Алайда, мұның бәрі табиғи сипатқа ие. Су қоймасы қандай да бір сыртқы фактордың әсерінен ластанбағанын айтады.

Балық қырылған аумақта антропогендік әсер анықталған жоқ. Оның үстіне ол маңайда өнеркәсіптік кәсіпорындар жоқ, – делінген Ақмола облыстық Экология департаментінің тексеру қорытындысында. 

Су жәндіктерінің өлекселеріне зерттеу жүргізген республикалық Балық шаруашылығы ғылыми зерттеу орталығының өкілдері де олардан ешқандай ауру белгілері анықталмағанын айтады. Мамандар, балықтардың су түбінен бөлінген табиғи газдан өлуі мүмкін деген ортақ қорытынды жасады. Бұл балдырлардың гүлдеуі кезінде болатын құбылыс. 

Айта кетейік, 12-тамызда «Бурабай» ұлттық табиғи паркінің инспекторлары Үлкен Шабақты көлінде балықтардың қырылғанын анықтаған. Бір аптада жағалаудан 250 келі балық өлексесі жиналды.

Қысқа да нұсқа. Жазылыңыз telegram - ға

Фото: ашық дереккөз
Өзгелердің жаңалығы