Нұр-Сұлтан, BAQ.KZ тілшісі. Төрткүл дүниенің назарын өзіне аударған Қысқы Олимпиада ойындарының ашылу салтанаты Қытай астанасындағы «Құс ұясы» ұлттық стадионында өтіп жатыр.
Маңызды шараға Мемлекет басшысы Қасым-Жомарт Тоқаев та қатысады.
Олимпиада ойындары «Таза мұз бен қардағы қуанышты күн» ұранымен өтеді.
Сондай-ақ жылғы Олимпиаданың мұрасына негізделеді делінуде.
Бейжің Ақ Олимпиаданы өткізу құқығына 2015 жылдың 31 шілдесінде қол жеткізген болатын.
4-20 ақпан аралығында өтетін төртжылдықтың додасы үш аймақта өтеді. Олимпиадаға қатысушылар мен бапкерлерге роботтар қызмет көрсетіп жатыр. Олар қонақ үйге жайғасқан адамдарға керек-жарақтарын жеткізіп береді. Сонымен қатар Бейжіңде орналасқан медиа орталықта роботтар қызмет ететін асхана бар.
