Нұр-Сұлтан, BAQ.KZ. Бұл туралы елорда әкімдігінің ресми сайты хабарлады.
Цифрлық технологияларды енгізу сыбайлас жемқорлық тәуекелдерін айтарлықтай азайтуға және адами факторды болдырмауға мүмкіндік береді.
Елорда әкімдігі тұрақты негізде сыбайлас жемқорлық тәуекелдеріне, оның ішінде ұйымдастыру-басқару қызметіне, нормативтік-құқықтық актілер бойынша және Мемлекеттік сатып алу бойынша ішкі талдау жүргізеді. Оның қорытындысы бойынша анықталған тәуекелдер жойылады.
Бүгін сыбайлас жемқорлықтың кез келген көрінісіне «мүлдем төзбеушілік» ахуалын қалыптастыруға бағытталған сыбайлас жемқорлыққа қарсы саясаттың тиімділігін арттыру мақсатында әкімдік пен елордалық Сыбайлас жемқорлыққа қарсы қызмет департаменті сыбайлас жемқорлыққа қарсы комплаенс институтын ілгерілету туралы келісімге қол жеткізді. Меморандумның мақсаты өңірде сыбайлас жемқорлыққа қарсы саясатты іске асыруға бағытталған келісілген іс-қимылдарды әзірлеу және ақпарат алмасу, сондай-ақ комплаенс саласындағы мамандарды үздіксіз оқыту процесін қамтамасыз ету арқылы корпоративтік мәдениетті дамыту болып табылады.
«Астана – Адалдық алаңы» бірлескен жобасы аясында барлық төрт аудан әкімдігі фронт-офис форматына көшті, Ашық әкімдік режимінде жұмыс істейді, сондай-ақ ашықтық мақсатында «Ашық бюджеттердің интерактивті картасы» жобасы іске асырылуда, сыбайлас жемқорлыққа «мүлдем төзбеушілікті» қалыптастыру бойынша 224 қоғамдық іс-шара өткізілді.
Мемлекеттік қызметтер автоматтандырылып, электрондық форматқа көшірілді, бұл адами фактор мен сыбайлас жемқорлық тәуекелдерін жояды. Бұған тұрғын үй саласында қызмет көрсететін бірыңғай орталық, iQala, «Жанұя» сияқты орталықтар да көмектеседі. Аталған орталықтар «бір терезе» қағидаты бойынша қызмет көрсетеді. Сондай-ақ білім беру, денсаулық сақтау, көлік салаларында оңтайландыру жүргізілді. Бұл мектепте тамақтануды мемлекеттік сатып алуды автоматтандыру, денсаулық паспорттарын цифрландыру, автобустарды электрондық төлем жүйелерімен 100% жарақтандыру және т.б., – деді елорда әкімі Алтай Көлгінов.Мемлекет басшысы атап өткендей, «сыбайлас жемқорлық құбылыстарының себептері мен жағдайларын жоймайынша, бұл жел диірмендеріне қарсы күреспен тең». Осыған байланысты әкімдік Сыбайлас жемқорлыққа қарсы іс-қимыл агенттігінің елордалық департаментімен бірлесіп, сыбайлас жемқорлық құқық бұзушылықтардың алдын алу және жою бойынша үлкен жұмыс атқарды. Осы бағыттағы жұмыстар жалғасады.
