Анна Данилина Будапешттегі (Венгрия) WTA 250 турнирінің жартылай финалына өтті, деп хабарлайды BAQ.KZ.
Бұл туралы Ұлттық олимпиада комитеті мәлімдеді.
Жарыстың 2-ракеткалары болып тіркелген Данилина мен ресейлік Ирина Хромачева ширек финалда германиялық Лена Пападакис – америкалық Джесси Энеймен шеберлік байқасты.
Бірінші партияда қазақстандық-ресейлік жұп 6:2 есебімен басымдылық танытты. Олар екінші сетте де сол қарқынынан танған жоқ – 6:4.
Данилина – Хромачеваның жартылай финалдағы қарсыластары кейін белгілі болады.
