Алматы, BAQ.KZ. Амстердамнан шыққан 18 жолаушысы бар ұшақ 24 наурыз күні кешкісін Атырауға келіп қонды.
Атырау облысы өңірлік коммуникациялар орталығының мәліметінше, қазақстандықтар мінген ұшақ 24 наурыз күні сағат 20:30 кезінде Атырауға қонған. Олардың бәрін арнайы жабдықпен қамтылған жатақханаға оқшаулаған.
Келгендердің бәрінен коронавиурсқа қарсы экспресс-тест алынған. Белгілі болғандай, бүгін таңертең ешбір студенттің талдамасынан COVID-19 анықталмаған. Кешке олар карантин аумағынан шығарылады.
