Қарағандыда жол-көлік оқиғасынан кейін автокөлік аударылып қалды

Қарағандада таңертең 12 тамызда Suzuki және Toyota автокөліктерінің қатысуымен жол-көлік оқиғасы болды. Апат салдарынан екі адам медициналық мекемеге жеткізілді, деп хабарлайды BAQ.KZ.

Не болды?

Қарағанды облыстық Полиция департаментінің мәліметінше, апат 12 тамыз күні сағат 08:59-да Гоголь мен Әлиханов көшелерінің қиылысында болған.

Suzuki және Toyota маркалы екі автокөлік соқтығысқан.

«Жол-көлік оқиғасы  салдарынан медициналық мекемеге Toyota автокөлігінің 33 жастағы жүргізушісі мен оның 33 жастағы жолаушысы жеткізілді», – деп жауап берді ведомство редакцияның сауалына.

Оқиға туралы не белгілі?

Жол-көлік оқиғасы дерегі полицияда тіркелді. Қазіргі уақытта құқық қорғау органдары оқиғаның барлық мән-жайын анықтап жатыр.

Еске салайық, бұған дейін Астанада көпірде екі көлік соқтығысып, біреуі аударылып қалған болатын. 

Тағы оқи отырыңыз:

Республикалық жолдардағы жол апаттары 9%-ға азайды – «ҚазАвтоЖол»

Жол апатын жасап, Қонаевқа қарай қашқан: Бұрын жүргізуші куәлігінен айырылған мас жүргізуші ұсталды

Әл-Фараби даңғылындағы жол апаты: Қаза тапқан қыздың әкесі апелляцияда 100 млн талап етті