Алматылықтарға маңызды ескерту жасалды

21 Мамыр 2024, 08:52
267
Бөлісу:
Алматылықтарға маңызды ескерту жасалды
Фото: t.me/almaty_akimat

Алматыда бүгін, 21 мамырда сейсмикалық жаттығу өтеді. Жаттығу кезінде және одан тыс уақытта өзін қалай ұстау керектігі жайлы ескертілді, деп хабарлайды BAQ.KZ қала әкімдігіне сілтеме жасап.

Өйткені, мегаполис - сейсмикалық аймақта. Әрбір азаматтың ТЖ кезіндегі және одан кейінгі іс-қимылдарға жеке дайындығы маңызды, - делінген хабарламада.

Не дайындау керек

  • Жер сілкінісі кезінде отбасылық іс-қимыл жоспарын жасаңыз
  • Дүмпуден кейін отбасыңыздың жиналу орнын анықтаңыз.
  • Пәтерден қауіпсіз жасырынатын орын таңдаңыз. Бұл көтергіш қабырғалар. Техжоспарды, техқұжатты көріңіз.
  • Ғимараттан эвакуациялау жолын алдын ала анықтаңыз және ауыр заттарды алып тастаңыз.
  • Көпқабатты үйде тұратын әрбір алматылық білуге тиіс 10 қарапайым ережені сақтаңыз.

10 қауіпсіздік ережесі

  • Сабыр сақтаңыз.
  • Дүмпу кезінде лифт пен баспалдақты пайдаланбаңыз.
  • Жиһаздан, терезеден аулақ тұрыңыз.
  • Көтергіш қабырғалардың бұрышынан жасырынатын орын табыңыз.
  • Дүмпу басылған соң ғимараттан шығыңыз.
  • Суды, газды, электр қуатын өшіріңіз.
  • Алдын ала дайындалған "дабыл шабаданын" алыңыз.
  • Электр желілерінен, ғимараттардан, ағаштардан аулақ тұрыңыз.
  • Қайталама дүмпуге дайын болыңыз.
  • Мұқтаж жандарға көмектесіңіз.
Өзгелердің жаңалығы