Алматы онкологиялық орталығына 60 жастағы пациент келіп түсті. Пациентке барлық диагностикалық зерттеулер, соның ішінде гистология жүргізілді, деп хабарлайды BAQ.KZ.
Нәтижесінде сол жақ бет терісінің 4-дәрежелі обыры диагнозы қойылды. Ыдырау сатысында. Ауырсыну синдромы. Ісік өте үлкен болды, деформациялана отырып, беттің бүкіл сол жағын алып, еріннің үстіңгі жағына, мұрынға өскен. Пациент мұрнымен дем ала алмады.
Пациенттің әңгімесінен ісік 2018 жылдан бері мазалайды, бірақ соңғы айларда қан кету эпизодтарымен ісіктің қарқынды өсуін айтты. Осы жылдардың ішінде дәрігерлерге қорқып жүгінбеген. Тек қатты төзгісіз ауырсыну пайда болғандықтан ғана Алматы онкологиялық орталығына жүгінген.
Орталықтың онкологтары бірегей операция жасады: «Тері-бұлшықет субменталдық, бет және маңдайдан аралас қиындымен беттің сол жақ жартысындағы, операциядан кейінгі ақаулы пластикасы бар жоғарғы ерін резекциясы бар мұрынның тері ісігін ауқымды кесіп алып тастау».
Бірегейлігі - бұл операция зергерлік жұмысты қажет етті. Ісікті алып тастағаннан кейін беттің, мұрынның және жоғарғы еріннің сол жақ жартысының үлкен ақауы пайда болды, яғни сол жақ жартысы алынып тасталды. Сонымен қатар, ісік үнемі қанмен қамтамасыз етіледі, өсіп келе жатқанда тамырланады.
Ақауды қалпына келтіру үшін біз үш жерден қиындылар алуға шешім қабылдадық. Бет терісін қалпына келтіру үшін бет артериясы мен венаның тамырлы тармақтарының иек аймағының астындағы тері-бұлшықет қиындысы, жоғарғы ерінді қалпына келтіру үшін сол жақтағы бет аймағының тері-фассиялық қиындысы, мұрынды қалпына келтіру үшін маңдайдан тері-фассиялық қиындысы кесіліп алынды. Осылайша біз беттің жетіспеген бөлігін қалпына келтірдік, - дейді онкохирург Саттар Аппазов.
5 сағатқа созылған операция сәтті өтті және пациент 10-шы күні шығарылды.
Онкологтар сізді бірдеңе мазалай бастағанша күтудің қажеті жоқ екенін, сіз скринингтен өтуіңіз керек екенін тағы бір рет еске салады. Ерте анықталған ауруды емдеуге болатыны, ал кейбір жағдайларда тіпті толық емдеуге болатыны есіңізде болсын.
