Алматылықтар отандық «QazVac» вакцинасын салдырып жатыр

27 Сәуір 2021, 11:14
1825
Бөлісу:
Алматылықтар отандық «QazVac» вакцинасын салдырып жатыр
PHOTO
Фото: автордан

Алматы, BAQ.KZ тілшісі. Бүгін Алматыда коронавирусқа қарсы отандық «QazVac» вакцинасын салу басталды.

Алматыдағы MegaPark ойын-сауық орталығында болып, ондағы вакцинациялау жұмыстарымен таныстық.

Алматылықтар отандық «QazVac» вакцинасын салдырып жатыр

Мамандар таңғы сағат 10-ға дейін 30 адам отандық вакцинаны салдырғанын айтты. Әдетте күніне 250-дей адам екпе алады екен.

Алматылықтар отандық «QazVac» вакцинасын салдырып жатыр

Қалалық №5 емхананың Бала бөлімінің меңгерушісі Гүлзат Байзақова «QazVac» вакцинасының ерекшеліктері жайлы айтып берді.

Алматылықтар отандық «QazVac» вакцинасын салдырып жатыр

Бүгін бізге 100 доза вакцина жеткізілді. Бұның ресейлік вакцинадан айтарлықтай ерекшелігі жоқ. Отандық вакцинаны 2-8 градуста сақтауға болады. «Спутниктің» бір ампуласында 5 доза болатын, мұнда бір доза. Алғаш рет отандық вакцинаны қаңтарда 2 мыңдай дәрігер алған, олардың жағдайы жақсы және екпе өз тиімділігін көрсетті. Алмалы ауданында осындай екпе салатын 12 орын құрылған, бүгіннен бастап оларда «QazVac» салынып жатыр, - дейді дәрігер.
Алматылықтар отандық «QazVac» вакцинасын салдырып жатыр

Вакцина салдыруға келген Ерболат Тұрлан есімді қала тұрғыны отандық вакцинаны қолдау үшін осы күнді күткенін айтады.

Бұл індетті тек екпе арқылы ғана жеңе аламыз деп ойлаймын. Вакцина салған соң жарты сағат отыра тұр деді. Өзімді жақсы сезініп тұрмын. Енді үш аптадан соң 2-компонентін аламын. Жалпы отандық вакцинаны салдыру шарт деп ойлаймын. Бастысы, өз еркіммен келдім, - дейді қала тұрғыны.
Алматылықтар отандық «QazVac» вакцинасын салдырып жатыр

Вакцина алған тағы бір тұрғын Ғалия Сатыбалдиева отбасында бірінші болып вакцина алғанын айтады.

Вакцина салдыруға ешкім мәжбүрлеген жоқ, өз еркіммен келдім. Қазақстанның вакцинасын салдырдым. Осы маңда типографияда жұмыс істеймін. Бұған дейін коронавируспен ауырғам жоқ, содан қорғану үшін екпе алуды жөн көрдім, - дейді ол.
Алматылықтар отандық «QazVac» вакцинасын салдырып жатыр

«QazCovid-in» вакцинасын Білім және ғылым министрлігі Ғылым комитетінің Биологиялық қауіпсіздік проблемаларының ғылыми-зерттеу институты әзірлеген және Жамбыл облысындағы фармацевтикалық зауытында өндірілген. Алматыға вакцинаның 1 және 2 компоненті бойынша 6000 доза жеткізілген, яғни 3 мың адамға есептелген.

Алматылықтар отандық «QazVac» вакцинасын салдырып жатыр

Алматылықтар отандық «QazVac» вакцинасын салдырып жатыр

Қала тұрғындары ресейлік «Спутник V» және отандық «QazVac» вакцинасының біреуін таңдай алады. 

Алматылықтар отандық «QazVac» вакцинасын салдырып жатыр

Мамандардың айтуынша, «QazVac» өлі вирустан жасалған вакцина. Екпе кезінде оның 0,5 мл/дозасы енгізіледі. Сондай-ақ 2-8 градус температурада сақталады.

Өзгелердің жаңалығы