Алматыға «Спутник V» вакцинасының 36 мың дозасы жеткізілді
9 Маусым 2021, 14:40 1217

Алматыға «Спутник V» вакцинасының 36 мың дозасы жеткізілді

Алматы, BAQ.KZ тілшісі. Қалалық Денсаулық сақтау басқармасы коронавируске қарсы вакцинаның қанша дозасы қалғаны туралы түсінік берді.

Басқарма мәліметінше, қазір Алматыда «Спутник V» вакцинасының 2-ші компоненті жеткілікті деңгейде. Мәселен, 4 транштан – 446, 5 тарнштан – 634, 6 транштан – 2091, 7 транштан – 7152 доза қалған.

Қала бойынша «Спутник V» вакцинасының 2-ші компоненті №4 қалалық емханада, Mega ойын-сауық орталығында, №29 қалалық емханада және өзге де медициналық ұйымдарда бар. Екпе салу орындарында вакцинаның бірі бітіп қалса, науқас басқа екпе орнына жіберіледі,-деп мәлімдеді Денсаулық басқармасы.

Қала бойынша күніне 1200-3000 дейін адам вакцинаның 1 және 2-ші компонентін салдырады екен. Басым көпшілігі вакцинаның 2-ші компонентін алып жатыр. 2-ші компоненттің қорда тұрған 13 688 дозасы 6-7 күнге ғана жететін көрінеді. Медицина орталығының көпшілігінде 30-дан 300-ге дейін ғана доза бар.

45 серия бойынша сапа және қауіпсіздік сертификаты жеткізілді. Сондықтан бүгіннен бастап «Спутник V» вакцинасы екінші компонентінің 36 мың дозасы Алматының екпе орындарына жеткізіледі,-деп мәлімдеді Денсаулық басқармасы.

Бұған дейін желіде екпе орындарында вакцинаның екінші компоненті бойынша тапшылық орын алғаны туралы мәлімет тараған.




Фото: ашық дереккөз
Загрузка...