Алматы, BAQ.KZ тілшісі. Алматылық 40 мың бала мен жасөспірімдер спорт секцияларына тегін қатыса алады. Бұл мақсатқа Алматы қаласының әкімдігі 500 млн теңге бөлді.
Бұл туралы Алматы қаласы Спорт басқармасының басшысы Рүстем Байсеитов онлайн брифингте айтты.
Басқарма басшысы сондай-ақ қыркүйектен бастап қаржыландыру бір миллиард теңгеге ұлғайтылатынын жеткізді.
Рүстем Байсейітовтің айтуынша, 4 жастан 18 жасқа дейінгі балалар қала бойынша 71 бағыт бойынша тегін секциялармен қамтылған. Осылайша, Елбасы Жолдауын жүзеге асырудың Ұлт жоспарының орындалуы қамтамасыз етілетін болады.
Алматылық мектеп жасына дейінгі балалар мен оқушылар жазғы олимпиадалық спорт түрлерінің барлығымен дерлік: баскетбол, бокс, еркін күрес, грек-рим күресі, волейбол, көркем және көркем гимнастика, жүзу, теннис және тағы басқасымен жаттығу жасай алады. Сонымен қатар конькимен жүгіру, мәнерлеп сырғанау, шаңғы және хоккей секциялары жұмыс істейтін болады. Балалар үшін қазақ күресі, футзал, пауэрлифтинг, спорттық билер мен шахмат секциясы жұмыс істейді.
Біз нашар көретін балаларды да спорттық өмірге тартамыз. Балалар голибол, дзюдо, жеңіл атлетика, жүзу, шахмат және дойбы түрлерімен айналыса алады. Есту қабілеті шектеулі балалар армрестлинг, бадминтон, баскетбол, бокс, еркін күрес, грек-рим күресі, волейбол, гандбол, дзюдо, каратэ және басқа да көптеген секцияға қатыса алады, - деді Спорт басқармасының басшысы.
Секциялар тірек-қимыл аппараты бұзылған балаларға және интегралды топтарға арналған. Алматылық жаттықтырушылар бұл балаларға бейімделгіш жүзу, каратэ, бейімделетін футбол және басқа да спорт түрлерін үйрететін болады.
Атап өтсек, Алматыда 18 спорт секциясында 11 664 бала сабақтарын бастады. Жалпы, балалар арасында футбол, таэквондо, каратэ және жүзу ең танымал секцияларға айналған.
