2025 жылдың бірінші тоқсанында коммерциялық жылжымайтын мүлікті жалға алу бағасы өткен жылдың төртінші тоқсанымен салыстырғанда 2,4%-ға, ал өткен жылдың бірінші тоқсанымен салыстырғанда 4,1%-ға өсті, деп хабарлайды Алматыдағы BAQ.KZ тілшісі.
Өңірлік тұрғыда бағаның ең жоғары өсімі Маңғыстау облысында — 4,2%, Астанада — 3,2% және Шымкентте — 2,9% деңгейінде тіркелді. Ең төменгі өсім Батыс Қазақстан және Қостанай облыстарында байқалды — әрқайсысында 0,1%-дан. Тағы 20 өңірдің 7-інде бағалар өткен тоқсанмен салыстырғанда өзгеріссіз қалды.
Жылдық динамикада коммерциялық жылжымайтын мүлікті жалға алу бағасы ең көп Алматыда — 5,3%-ға, Астанада — 5%-ға және Маңғыстау облысында — 4,3%-ға өсті. Ең төменгі жылдық өсім Атырау облысында тіркелді — 0,1%. Шығыс Қазақстан, Қызылорда және Түркістан облыстарында бағалар өткен жылғы деңгейде қалды, – дейді Еnergyprom.kz сарапшылары.
Әлемде 2025 жылы коммерциялық жылжымайтын мүлік нарығының көлемі 120 трлн долларға жетеді деп болжанып отыр. 2025–2029 жылдар аралығында нарықтың орташа жылдық өсім қарқыны (CAGR) 1,35% болады деп күтілуде, бұл 2029 жылға қарай нарық көлемін 126,6 трлн долларға дейін ұлғайтады.
