Алматы, BAQ.KZ. Алматыда қоғамдық көлікте маска режимін бұзғаны үшін 20-дан астам адамға айыппұл салынды. Бұл туралы қала әкімдігі хабарлады.
Алматыда эпидемиологиялық жағдай ушығып тұр. Өткен тәулікте мегаполисте 1492 науқастың коронавирусқа қарсы өткізген ПТР тесті оң нәтиже берген. Эпидемиологтардың мәліметі бойынша қоғамдық көлік – инфекцияны жұқтыратыны негізгі бес орынның бірі (жұқтыру 16,8%). Сондықтан Алматы қаласы аудан әкімдіктері жанынан құрылған мониторинг топтары маска режимінің сақталуын бақылау бойынша жұмыс жүргізуде.
Әкімдіктің, жергілікті полиция қызметінің және «Бақылау-тексеру басқармасы» желілік қызметінің қызметкерлерінен құралған мониторинг топтарының өкілдері қоғамдық көлікте маска режимін тексеру бойынша іс-шаралар жүргізеді. Мәселен тәулік ішінде 112-ден астам автобус пен троллейбус тексерілді. Мына автобустарда бұзушылықтар анықталды: 1, 98, 32, 123, 79, 11, 9, 45, 22, 135, 105, 201, 7, 126, 60, 114, 25, 5, 5В, 29, 65, 37, 205, 224, 20, 148, 38, 62, 210, 45, 18. Маска режимін бұзған 22 жеке тұлғаға айыппұл салынды, барлық жолаушы ҚР ӘҚБтК 1-бөлімінің 425-бабы бойынша әкімшілік жауапкершілікке тартылды.
Коронавирустық инфекцияның алдын алу үшін Алматы тұрғындарын халық көп жиналатын жерлерде, қоғамдық көлікте қауіпсіздік шараларын, маска режимін сақтауға шақырады.
Қоғамдық көліктен басқа, мониторингтік топтардың өкілдері қоғамдық тамақтану, дүкендер мен басқа да адамдар көп жиналатын нысандарды тексеруді жалғастыруда. Мобильді топтардың мәліметі бойынша жыл басынан бері 1150-ден астам мейрамханалар, кафелер мен дүкендерде, 171 компьютерлік клубтарда, 21 бильярд клубында, 5 спа-салонында, 31 саунада, 2 кальян залында, 54 караокеде карантиндік шаралардың бұзылуы анықталды. 40 лото клубы, 25 коттедж, онда той және басқа да объектілер орналастырылған. Белгіленген шектеулерді бұзған 3300-ден астам адам тергеу үшін полицияға жеткізілді.
Масканы қалай тағу қажет?
Маскалар түрліше болуы мүмкін. Оларды бір рет немесе бірнеше рет қолдануға болады. 2, 4, 6 сағат тағуға арналған маскалар бар, үнемі бір масканы тағу жарамсыз, себебі бұл инфекция қаупін арттырады.
Жұқтыруды болдырмау үшін масканы дұрыс тағу өте маңызды:
- масканың дұрыс тағылуы, ауыз бен мұрынды мықтап жауып, бос орын қалдырмауы тиіс;
- масканы шешкен кезде қолды бетке тигізбеген жөн, қолыңызды сабынмен немесе спиртпен жақсылап жуыңыз;
- маска дымқылданса жаңасын ауыстыру керек;
- бір реттік масканы қайта қолданбаңыз;
- қолданылған бір реттік масканы дереу тастау керек.
