Алматыда бірнеше көшеде көлік қозғалысына уақытша шектеу қойылады, деп хабарлайды BAQ.KZ.
30 мамыр мен 6 маусым аралығында Алматыда бірқатар халықаралық іс-шаралар өтеді:
- 30-31 мамырда Алматыда ҰҚШҰ-ға мүше мемлекеттердің Қорғаныс министрлері Кеңесінің отырысы өтеді.
- 2-3 маусымда Алматыда ҰҚШҰ Парламенттік Ассамблеясы Кеңесінің отырысы өтеді.
- 5-6 маусымда Алматыда ҰҚШҰ Қауіпсіздік кеңестері хатшылары Комитетінің отырысы өтеді.
Осыған байланысты, іс-шаралардың ауқымын, сондай-ақ қатысушылар мен қонақтардың санын ескере отырып, Алматы қалалық полиция Департаменті көлік қозғалысына ішінара шектеу қойылғаны туралы хабарлайды, - делінген ақпаратта.
Айта кету керек, жол шектеулері қоғамдық көліктерге әсер етпейді.
Біз азаматтардан уақытша шараларға түсіністікпен қарауды және кептелістерді болдырмау үшін алдын ала бағыттарын реттеуді сұраймыз, - деп ескерту жасады.
