Жол апаты Әуезов көшесінде сағат 20:17 шамасында орын алды. Зардап шеккендердің екеуі де ауруханаға жеткізілді, бірақ тексеруден кейін үйлеріне босатылды, деп хабарлайды BAQ.KZ.
Алматы қаласы бойынша ПД Анықтау басқармасының бастығы Олжас Шәріповтың айтуынша, Toyota маркалы көлікті тізгіндеген жүргізуші қаланың солтүстік бағытында келе жатқан. Бір уақытта рұқсат етілмеген жерден екі жаяу жүргінші жолға атып шығады.
Жүргізуші шалт қимыл жасап үлгермей, оларды қағып кетеді.
Зардап шеккендер дене жарақатын алып, ауруханаға жеткізлді.
Іс материалын Алмалы ауданының ПБ қызметкерлері өз өндірісіне алды.
