Алматы қалалық төтенше жағдайлар департаментінің мәліметінше, 11 қараша күні сағат 10:56-да өрт сөндірушілерді Жетісу ауданы, Солтүстік айналма тас жолы 7Б мекенжайын жоғары дәрежелі өртті сөндіруге шақырылған, деп хабарлайды BAQ.KZ.
Жолдағы кептеліске қарамастан өрт сөндірушілер апат орнына 8 минутта келіп жетті. Оқиға орнында қалың түтін болған. Өрт сөндірушілер бірнеше контейнердің жанып жатқанын анықтаған.
Өрт сөндіруге күштер мен құралдар тартылып, дереу іске кірісті. Газ-түтіннен қорғау қызметі өрт ошағында адамдардың бар-жоғына барлау жүргізді. Қазіргі таңда жағдай бақылауда, бейнебақылау камералары арқылы оқиға орнына қаланың өзара іс-қимылының бүкіл күші жіберілді, - делінген Төтенше жағдайлар департаментінің хабарламасында.
Құтқарушылардың мәліметінше, жақын маңдағы өрт сөндіру гидранттары 25 метр қашықтықта орналасқан. Су үздіксіз жеткізіліп жатыр.
