Алматыда әлеуметтік осал топтағы азаматтарға өтемақы ұлғаяды

1 Желтоқсан 2023, 12:52
437
Бөлісу:
Алматыда әлеуметтік осал топтағы азаматтарға өтемақы ұлғаяды

Алматыда коммуналдық тарифтердің өсуіне байланысты әлеуметтік осал топтағы азаматтарға қосымша қолдау көрсету үшін өтемақы мөлшері 2023 жылғы 1 қарашадан бастап – 0,6 АЕК-ке (2070 теңге) дейін артады, деп хабарлайды Алматыдағы BAQ.KZ тілшісі.

Мұндай шешім Алматы қаласы мәслихатының кезектен тыс XI сессиясында қабылданды. 

Осы жылдың 1 қарашасынан бастап электр энергиясының тарифі көтерілген соң түзету қажет болды: заңды тұлғалар үшін – 1,2% – ға, жеке тұлғалар үшін-1 квт / сағ үшін 7% - ға. Бұған дейін ХӘОТ санатындағы алматылықтар үшін 0,5 АЕК өтемақыны мәслихат ағымдағы жылдың тамыз айында бекітті, өйткені шілде айында коммуналдық қызметтерге тарифтер көтерілді. Өтемақы мөлшерін қайта қарау тұрғын үйге әлеуметтік көмекті 345 теңгеге арттыруға мүмкіндік береді. Депутаттар әкімдіктің ұсынысын қолдады. Әлеуметтік көмек көрсету мерзімі 2024 жылғы 30 маусымға дейін ұзартылады, – деді Алматы әкімінің орынбасары Асқар Әмрин.

Өзгелердің жаңалығы