Алматы полициясы есірткі зертханасын әшкереледі

19 Қараша 2020, 11:30
2482
Бөлісу:
Алматы полициясы есірткі зертханасын әшкереледі

Алматы, BAQ.KZ. Алматы полициясы есірткі зертханасын жою бойынша арнайы іс-шара жүргізді. Бұл туралы Адматы ПД-нің баспасөз қызметі хабарлады. 

1994, 1996 және 1997 жылы туған үш жігіт полиция назарында болған. Олардың қылмыстық іс-әрекетін ҚР ІІМ ЕҚКД және Алматы қаласы ПД ЕҚКБ қызметкерлері бірнеше арнайы іс-шаралармен куәландырды. 

Кешкі жеті шамасында Абай даңғылында көлік ішінде екі адамы бар Hyundai  автокөлігі ұсталды. Күдіктілердің біреуі – А.азаматты санкцияланған тінту кезінде «мефедрон» синтетикалық есірткі салынған бума табылды. Күдіктілердің Жетісу ықшам ауданындағы қарапайым пәтердің қабырғасында есірткі шөбін жасағаны анықталды. Есірткі жасауға арналған химиялық компоненттерді олар тоңазытқышта сақтаған. Зал бөлмесінде ақ түсті ұнтақты зат, полиэтилен пакеттер (орауға арналған), өсімдік тектес жасыл түсті ұнтақ, қабаттары бар шыны колбалар, ақ түсті ұнтақты зат және басқа жабдықтар табылды. Жатын бөлмеде химиялық реагенттерді, синтетикалық есірткілерді шығаруға арналған түрлі компоненттер, екі магнитті араластырғыш, әртүрлі колбалар, желдеткіш және екі май радиаторларын сақтаған. Біз үшінші күдіктіні жалдамалы пәтерден ұстадық, – деді Алматы қаласы ПД Есірткі қылмыстарына қарсы күрес басқармасының бастығы Ерлан Алмағамбетов. 
Сот-химиялық сараптаманың қорытындысына сәйкес тәркіленген заттар психотроптық зат «Меткатинон» (мефедрон) екенін анықталған. Тәркіленген зат пен дайын өнімнің жалпы салмағы 10 килограммды құрады.

Ұсталғандар қамауға алынды. Қылмыстық іс ҚР ҚК-нің 297 бабы қылмыс белгілері бойынша тергелуде. Сонымен қатар, жалпы жедел іс-шаралармен қатар, есірткі қылмысына қарсы іс-қимыл саласындағы әлеуметтік үгіт материалдары арқылы халықтың есірткіге қарсы иммунитеттің алдын алу және қалыптастыру бойынша жұмыс тұрақты негізде жүргізіліп жатқанын атап өткен жөн. Бүгінде қала аумағында 56 сыртқы жарнамалық таблоидтар – билбордтар бар. Сондай-ақ, 79 LED-экрандар нашақорлықтың алдын-алуға бағытталған ақпаратты таратады, – деп қорытындылады Алмағамбетов.

Өзгелердің жаңалығы