15 мамырда сағат 18:16-да Өтеген батыр ауылындағы №8 өрт сөндіру бөлімшесінің байланыс желісіне Рысқұлбеков көшесінде көліктің өртенгені туралы хабарлама келіп түсті, деп хабарлайды BAQ.KZ.
Алдымен әлеуметтік желіде №24 мектептің жанында жеңіл көлік жарылғаны туралы ақпарат тарады.
Zakon.kz-тің хабарлауынша, аталған оқиғаға қатысты ресми сауалды Алматы облысы ТЖД баспасөз қызметі берді.
Оқиға орнына шұғыл жеткен өрт сөндірушілер "Volkswagen Passat" маркалы жеңіл көліктің моторы орналасқан бөлігінің 1 шаршы метрі қызыл жалынға оранғанын анықтады. Құрбандар мен зардап шеккендер жоқ, - делінген хабарламада.
Өртті сөндіруге Алматы облысы ТЖД күштері мен құралдары сапынан төрт қызметкер және бір техника жұмылдырылды.
