Алматы облысында ауа райының бұзылуына байланысты Алматы-Өскемен автожолының учаскесінде көлік қозғалысына шектеу қойылды, деп хабарлайды BAQ.KZ "ҚазАвтоЖол" компаниясына сілтеме жасап.
Белгілі болғандай, 2025 жылғы 1 қаңтар сағат 02:00-те жолды ашу жоспарланған.
31 желтоқсан сағат 22:00-де республикалық маңызы бар "Алматы-Өскемен" 25-67 шақырымы (Ақы алу пункті - Қонаев қаласына дейін) автокөліктердің барлық түрлерінің қозғалысына шектеу қойылады, - делінген хабарламада.
1403 байланыс орталығына хабарласып, тәулік бойы қосымша ақпарат алуға болады.
