Қайғылы оқиға бүгін сағат 10:50 шамасында "Алматы-Екатеринбург" тасжолында болған, деп хабарлайды BAQ.KZ.
12 маусым сағат 10:50 шамасында "Алматы-Екатеринбург" тасжолында Теміртау қаласына қарай бағыт алып бара жатқан 57 жастағы Audi автокөлігінің жүргізушісі алдын ала болжам бойынша маневр жасау кезінде жол қауіпсіздігіне назар аудармаған. Ол алдында келе жатқан ВАЗ-2114 автокөлігімен соқтығысып, кейінгісі сырғып барып жол жиегіндегі қоршауға соғылған.
Салдарынан ВАЗ-2114 автокөлігінің 24 жастағы жүргізушісі мен Audi-де болған 56 жастағы (жүргізушінің жұбайы) жолаушысы оқиға орнында қайтыс болды. 57 жастағы Audi жүргізушісі және оның 9 жастағы немересі, сондай-ақ ВАЗ-2114 автокөлігінің 23 жастағы жолаушысы ауруханаға жеткізілді. Аталған факт полицияда тіркелді. Тиісті сараптамалар тағайындалды, қорытындысы бойынша нақты процессуалдық шешім қабылданатын болады, - делінген хабарламада.
