Сарапшылар тар және ең ерекше қонақүй нөмірлерін атады, деп хабарлайды BAQ.KZ.
РИА Новостидің хабарлауынша, әлемдегі ең кішкентай бөлме Жапониядағы Capsule Inn қонақүйінде.
Аумағы бар болғаны екі шаршы метр. Дегенмен жалпақ экранды теледидар, розеткалар, оятқыш және оқу шамдары бар. Ақысы бір түнге 64 еуро. Бір қызығы, мұндай шағын «бөлмеде» тек ерлерге тоқтауға рұқсат етілген.
Қытайдың Хэнань провинциясында блогер Хэй Мао Чжан қонақүйде бір түнге 60 юаньға (немесе 8,2 еуро) тоқтаған. Сегіз шаршы метрлік бөлмеде кереуеттің қасында туалет табақшасы бар, ол сонымен қатар төсек үстелінің рөлін атқарады. Сондай-ақ бөлмеде кондиционер, қолжуғыш, айна, киім ілгіш, шәйнек, желдеткіш және тіпті сурет бар.
Сарапшылардың айтуынша, Лондондағы Corbigoe қонақүйінде қонақтарға британдық стандартты тұрақ орнының жартысына тең бес шаршы метр бөлме ұсынады. Бөлмеде тек біркісілік тар кереует, оның үстінде кішкентай терезе бар. Бөлменің бағасы маусым басталғанда 50 фунтқа дейін барады.
Германияда бавариялық Амбергте Eh'haeusl үш ғасырға жуық жұмыс істеп келеді. Муниципалитеттің мәліметі бойынша, қонақүйдің жалпы ауданы 56 шаршы метр, бұл оны әлемдегі ең кішкентай бөлме. Екі ғимараттың арасында орналасқан қонақ үй бір уақытта екі адамды ғана қабылдай алады, бұл әсіресе жас жұбайлар арасында танымал. Бөлмеде екі кісілік кереует пен джакузи бар. Бағасы бір түнге 240 еуродан.
Нидерландының Энрум қаласындағы Grand Hotel De Kromme Raake қонақүйі ең кішкентай қонақүй атағына таласуы мүмкін. Бір ғана бөлме бар, түнеу құны бір түнге 125 еуродан басталады.
