"Қазгидромет" РМК 2024 жылғы 8-10 қазандағы Қазақстан бойынша ауа райы болжамын ұсынады, деп хабарлайды BAQ.KZ.
Аптаның басында антициклон сілемі Қазақстанның басым бөлігіне әсер етеді және негізінен ауа райын жауын-шашынсыз сақтайды. Содан кейін елдің батыс және солтүстік-батыс аймақтарына Мәскеу аудандарынан циклон әсер етеді, ол найзағаймен жаңбыр әкеледі.
9-10 қазанда батыста қатты жаңбырдың жаууы болжанады. Республика бойынша желдің күшеюі, солтүстік өңірлерде түнгі және таңертеңгі уақыттарда тұман күтіледі, делінген хабарламада.
Республиканың батысында ауа температурасының күндіз 12-18 градусқа дейін, солтүстік-батыста және солтүстікте 7-17 градусқа дейін төмендеуі болжанады. Ал қалған аумақта күрт өзгерістер күтілмейді.
