Алакөл көлінің жағалауын патрульдеу кезінде Төтенше жағдайлар министрлігінің жедел-құтқару жасағы ата-анасынан көз жазып қалған баланы тауып алды, деп хабарлайды BAQ.KZ.
Құтқарушылардың қырағылығы мен кәсіби әрекетінің арқасында бала аман-есен ата-анасына табысталды. Оған медициналық көмек қажет болмады.
Баланың әкесі ТЖМ құтқарушыларына жедел көмек пен жауапкершілік үшін алғысын білдірді.
Абай облысы ТЖД мамандары Алакөл жағалауындағы демалушылардың қауіпсіздігін қамтамасыз ету мақсатында күн сайын патрульдеу жұмыстарын жүргізіп келеді.
