АҚШ-тың әрбір 500-тұрғыны коронавирустық инфекция салдарынан қайтыс болды

АҚШ-тың әрбір 500-тұрғыны коронавирустық инфекция салдарынан қайтыс болды
8494

Нұр-Сұлтан, BAQ.KZ тілшісі. Америка Құрама Штаттарының әрбір 500-тұрғыны жаңа коронавирус жұқтырудың салдарынан қайтыс болды. Бұл туралы Tass.ru хабарлады. 

Федералды және жергілікті билік органдарының мәліметтері бойынша есептеулер жүргізетін Джонс Хопкинс Университетінің мәліметі бойынша, сәрсенбі күні кешке АҚШ-та коронавирус жұқтырғандар арасында 666 525 өлім тіркелді. CNN телеарнасының ресми статистикасына сәйкес, өткен жылдың сәуір айындағы жағдай бойынша АҚШ халқы 331,4 миллион адам болды. Осылайша, елдің әрбір 500-тұрғыны COVID-19 салдарынан қайтыс болған.

Өз кезегінде The Washington Post газетінің хабарлауынша, АҚШ-тағы коронавирус құрбандарының жалпы санының төрттен бір бөлігі 85 жастан асқан адамдар.

Джонс Хопкинс Университетінің мәліметі бойынша, АҚШ-та пандемия басталғаннан бері 41,5 миллионнан астам коронавирус ауруы анықталды. Ел әлемдегі жағдайлардың саны бойынша да, өлім саны бойынша да бірінші орында. Жақында аурудың жаңа жағдайларының көпшілігі «дельта» штаммына келеді.

Қысқа да нұсқа. Жазылыңыз telegram - ға
Өзгелердің жаңалығы