Ақмола облысы, BAQ.KZ тілшісі. Өңірде коронавирус індетінің өршуіне қарсы жедел дайындық елде «үнді» штаммы пайда болғанға дейін басталды. Ақмола облыстық көпсалалы ауруханасының директоры Нұрлан Жаров өңірдегі ең ірі медициналық мекеменің жаңа толқынға дайындығы туралы айтып берді.
Жұқпалы аурулар бөліміндегі ауқымды іс-шараларға қарамастан, басқа диагноздары бар науқастармен жұмыс қарқынды түрде жалғасатынын атап өтті. Бүгінгі таңда ауруханада 725 және күндізгі стационарда 130 орын бар. Эпиджағдайға қарамастан аурухана персоналы тәулік бойы күндізгі стационарларда да жұмыс істейді, консультациялық көмек көрсетеді. 2020 жылы 5 наурыздан бастап провизорлық, карантиндік және инфекциялық бөлімшелер ашылды, онда жыл соңына дейін COVID-19 індетінен 2 040 пациент емделді. Жыл басынан бері дерматовенерологиялық диспансердің базасында 100 инфекциялық төсек орын ашылды, 480 науқас ем алды. Коронавируспен күресу үшін ауруханада материалдық-техникалық база да, қажетті кадрлар да бар. Қазіргі жағдайда бұл өте маңызды: аймақта «үнді» штаммының пайда болуына байланысты аурудың бірнеше есе өсуі байқалады, нәтижесінде өлім-жітім де артуда, – деді Нұрлан Жаров.
Облыстық аурухананың жедел жәрдем бөлімінде вирустық инфекцияның таралу жолында тосқауыл жасау үшін триаж жүйесіне негізделген сүзгі орнатылды.
Байланыста болған адамдарды тасымалдау бір реттік құралдармен жарақтандырылған арнайы көлікпен жүзеге асырылады. Жаздың аптап ыстығына қарамастан, бригадалар арнайы костюмдерде жұмыс істейді, көліктер коронавирусқа күдікті әрбір науқастан кейін мұқият өңдеуден өтеді.
Мекеме аумағында көлікті өңдеу пункті ұйымдастырылған, келіп түсетін және шығарылатын пациенттердің ағымы бөлінген. Азық-түлік пен қажетті материалдарды қауіпсіз жеткізу мәселелері ойластырылды, бейнебақылау жүйесі ұйымдастырылды, әр қабатта Wi-Fi нүктелері бар.
Инфекциялық стационарда 100-ге жуық төсек-орын бар, соңғы жарты жылда мұнда 500-ге жуық адам түскен. Жыл басынан бері инфекциямен күреске 479 қызметкер қатысты: 76 дәрігер, 190 орта және 213 кіші медициналық персонал.
Соңғы уақытта жастар мен балалар арасында КВИ жұқтырғандар, сондай-ақ ауыр жағдайдағы пациенттер саны артты. Республика бойынша бұл көрсеткіш 60% - ға жетті. Пациенттердің көбі реанимацияға түсуде.
Өңірде инфекциялық орындар саны 2 113-ке дейін ұлғайды, оның 1 205-і толық, көрсеткіш 57%-ды құрап отыр.156 реанимациялық орынның 91-і толық.
Нұрлан Қайырұлы КВИ-ға қарсы вакцинацияланғандар арасында вирус жұқтырғандарға қатысты пікірімен бөлісті.
Статистикаға сәйкес, COVID-19 вирусын жұқтырғандар арасында вакцинацияланғандардың саны 0,06% құрайды. Бұл жерде адам вакцинациядан кейін жұқтырған күндер маңызды рөл атқарады. Адам ағзасы иммундық реакцияны бірден қалыптастырмайды, бұл оның жасына және денсаулығына байланысты. Вакцинациядан кейін де ауырғандар бар, бірақ ауру жеңіл түрде өтеді, өлім тіркелген жоқ, өйткені денеде инфекцияға қарсы ішкі резерв бар. Біз әрбір пациенттің өмірі үшін КТ және талдау көрсеткіштеріне назар аудара отырып күресеміз. Коронавирус қауіпті, біздің тәжірибемізде жақсы көрсеткіштері бар науқас кенеттен қайтыс болған жағдайлар көп болды, өкпенің, жүректің жұмысы әлсірегенде науқастар есінен танып қалады, - дейді аурухана директоры.
Фтизиопульмонология орталығы базасындағы инфекциялық стационар 2020 жылдан бастап жұмыс істейді, 110 орынға есептелген.
Жыл басынан бері 900-ден астам пациент келіп түсті, оның ішінде 204-і реанимациядан бір-ақ шықты. Өкінішке орай, 65 науқасты құтқару мүмкін болмады. Қауіпті вирус 10 адамның өмірін жалмады, қалғандары жүрек-тамыр патологиясының өршуінен қайтыс болды. Соңғы екі аптада пациенттер саны айтарлықтай өсті. Көбі бірден жан сақтау бөліміне түсуде. Дәрігерлердің барлық күш-жігеріне қарамастан, екі жақты жалпы пневмония дамиды және адам өз бетінше дем ала алмайды, - деп атап өтті директордың медицина бөлімі жөніндегі орынбасары Сәуле Сұлтанбекова.
Дәрігердің айтуынша, созылмалы аурулар өлім жазасы емес, қант диабетімен де, жүрек жеткіліксіздігімен де адамдар ондаған жылдар бойы өмір сүріп келеді. Алайда, коронавирус денсаулықты нашарлатады, бұл көбінесе өлімге әкеледі. Қазіргі уақытта жалпы өлім-жітім 6,9% құрайды, яғни 100 жағдайдың 7-і өліммен аяқталады.
Өңірде «Жедел жәрдемге» жүгінулер саны да артты, ауруханаға жатқызу жағдайларының саны 54%-ға өсті, ауыр халде емделушілер саны 1,7 есе көп. Облыста аудандық қосалқы станцияларды қоса алғанда, 68 бригада шұғыл көмек көрсетеді. Штат қызметкерлермен жасақталған, қажетті жабдықтары бар жаңа реанимобильдер алынды.
Науқастың жедел жағдайын жеңілдету үшін жедел жәрдем қажет. Парацетамол дене қызуын, қысымды төмендетуге көмектеседі, қан кетуді тоқтатады. Егер науқастың денсаулық жағдайы ауыр немесе орташа деп бағаланса, ауруханаға жатқызылады. Барлық ақпарат терапевт тағайындау жасайтын және аурудың барысын бақылайтын сайтқа түседі. Тәулігіне қала тұрғындарынан 350-380 қоңырау қабылданады, өңір бойынша бұл көрсеткіш 600-750-ге дейін артты, – дейді диспетчер Жұлдыз Баймағамбетова.
