Ахметжан Пірімқұлов пен Медет Құмарғалиев 2 айға қамауға алынды

28 Қаңтар 2022, 10:28
1185
Бөлісу:
Ахметжан Пірімқұлов пен Медет Құмарғалиев 2 айға қамауға алынды

Нұр-Сұлтан, BAQ.KZ. Нұр-Сұлтан қаласының тергеу соты бұрынғы Экология, геология және табиғи ресрустар вице-министрі Ахметжан Пірімқұлов пен «ӨКМ Операторы» ЖШС басқармасының бұрынғы төрағасы Медет Құмарғалиевті екі айға қамауға алды.

Бұл туралы Нұр-Сұлтан қалалық сотының баспасөз қызметі хабарлады.

2022 жылғы 27 қаңтарда Нұр-Сұлтан қаласының мамандандырылған ауданаралық тергеу соты күдіктілер А.А.Примкулов пен М.К.Кумаргалиевке қатысты 2 ай мерзімге күзетпен ұстау түріндегі бұлтартпау шарасын санкциялады. ҚР Қылмыстық процестік кодекстің 201-бабына сәйкес сотқа дейінгі тергеп-тексерудің басқа деректерін жария етуге жол берілмейді, - делінген хабарламада.

Естеріңізге сала кетейік, ҚР Сыбайлас жемқорлыққа қарсы іс-қимыл агенттігі ҚР экология, геология және табиғи ресурстар вице-министрі Ахметжан Пірімқұлов пен «ӨКМ Операторы» ЖШС басқарма төрағасы Медет Құмарғалиевтың ұсталғанын растаған еді.
 

Өзгелердің жаңалығы