Нұр-Сұлтан, BAQ.KZ. АХҚО Соты мен ХТО өзінің қызметін 2018 жылғы 1 қаңтарда бастады. Осы күнге дейін АХҚО Соты мен ХТО жалпы алғанда 296 істі табысты шешті, оның ішінде 291 іс 2020 жылда қарастырылды.
АХҚО Сотына 12 іс берілді және 9 шешім шығарылды. ХТО-да төрелік талқылау мен медиацияны талап ететін 282 іс шешілді. Төрелік істердің саны едәуір өсті, бірақ істердің көпшілігі медиация арқылы шешілді. ХТО-да дауларды медиация жолымен сәтті реттеу нәтижесінде осы істер бойынша одан әрі төрелік ету немесе сот талқылауы қажеттілігі азайды.
Істерге 11 елдің тараптары қатысты, оның ішінде Қазақстан (Қазақстанның 11 түрлі қалалары мен өңірлері), Ресей, Қытай, Өзбекстан және Ұлыбритания. Борыштық міндеттемелерге, өзге де қаржы мәселелеріне, қызметтер көрсетуге, еңбек қатынастарына және мүлікке (оның ішінде жер меншігіне) байланысты мәселелер даулардың нысанасы болып табылды. Қолданыстағы құқықтық нормалардың қатарына АХҚО, Қазақстан және Ресей заңдары кірді.
Барлық қаулылар мен төрелік шешімдер тиімді орындалуын қамтамасыз ететін АХҚО Сотының бірегей қадамдық процедурасын пайдалана отырып, Қазақстанда қанағаттанудың 100%-ына дейін сәтті орындалды.
2020 жылғы наурызда COVID-19 жаһандық пандемиясының басталуына байланысты АХҚО Соты мен ХТО барлық жұмысын онлайн режиміне ауыстырды және өзінің қызметтерін үздіксіз жұмыс істеуіне қол жеткізді. Барлық даулар электронды түрде шешілді, бұл eJustice электрондық сот ісін жүргізу жүйесін қолдана отырып жүзеге асырылды. Барлық дауларды реттеу және шешу, сотқа дейінгі және сот тыңдауларын өткізу үшін заманауи бейнетехнологиялар қолданылды, - делінген хабарламада.
222 заңгер АХҚО Сотында тараптардың мүдделерін сотта қорғау құқығымен тіркелген. Олардың арасында АҚШ, Ұлыбритания, Еуропа, Орталық Азия, Африка, Азия, Австралия және Жаңа Зеландиядан тіркелген 23 елдің (25 юрисдикция) заңгерлері бар. Қазіргі уақытта АХҚО Соты мен ХТО бүкіл әлемдегі халықаралық заң қоғамдастығы деп танылды.
Бұдан басқа, АХҚО Соты мен ХТО-ның дауларды реттеу жөніндегі үлгілік ережелері 4000-нан астам бизнес келісімшарттарға, атап айтқанда, Шеврон және «Теңізшевройл» ЖШС компанияларының қатысуымен жасалған келісімшарттарға енгізілді. Бұл АХҚО Соты мен ХТО Орталық Азиядағы коммерциялық дауларды шешу үшін АХҚО Соты мен ХТО-ның пайдасына таңдау жасайтын ұйымдар санын ұлғайту жөніндегі бастамасының нәтижесі болды.
АХҚО Соты мен ХТО дауларды реттеудің жергілікті және халықаралық орталықтарымен, заңгерлер қауымдастықтарымен және оқыту бойынша серіктестермен өзара түсіністік туралы 31 меморандумға қол қойды. 2020 жылғы Вебинарлар бағдарламасы шеңберінде АХҚО Соты мен ХТО 31 вебинар өткізді, сондай-ақ АХҚО Сотының төрағасы, ХТО төрағасы, Тіркеуші және аппарат басшысы, АХҚО Сотының судьялары, ХТО төрешілері мен медиаторларының қатысуымен дәрістер өткізілді. 2020 жылы АХҚО Соты мен ХТО екі студенттік ойын процесін өткізді, оған Қазақстан мен ТМД елдерінің заң саласындағы жоғары оқу орындарының өкілдері қатысты. Қазақстанның 2000-нан астам азаматы АХҚО Соты мен ХТО қатысуымен дауларды реттеу жөніндегі халықаралық стандарттарға сәйкес оқытудан өтті.
АХҚО Сотының және ХТО тіркеушісі және аппарат басшысы Кристофер Кэмпбелл-Холт мырза түсініктеме берді.
2020 жыл АХҚО Соты мен ХТО үшін айтулы жыл болды. Жаһандық COVID-19 пандемиясына байланысты туындаған қиындықтарға қарамастан, дауларды шешу қызметтер, бүкіл әлемдегі бизнес пен іскер адамдар үшін өзінің тартымдылығын дәлелдеді. Жаңа серіктестік қарым-қатынастарды құру және оқытудың ауқымды бағдарламаларын жүргізу нәтижесінде біз сот істерінің санын едәуір ұлғайтуға, сот және төрелік шешімдерді табысты орындауға қол жеткіздік, сондай-ақ Қазақстан мен Орталық Азияның заң және іскерлік қоғамдастығын дамытуға елеулі үлес қостық. Біздің қызметіміздің осы кезеңінде біз басқа халықаралық қаржы орталықтарындағы дауларды реттеу жөніндегі ұқсас орталықтармен салыстырғанда, күткенімізден асып түсетін айтарлықтай нәтижелерге қол жеткіздік. Біздің болашаққа деген өршіл жоспарларымыз бар және біз 2021 жылды асыға күтеміз, - дейді ол.
