Абай Құнанбайұлының 180 жылдық мерейтойына орай Семей қаласының Бейбітшілік аралында "ЭТНОАУЫЛ" өз жұмысын бастайды, деп хабарлайды BAQ.KZ.
Этноауыл 1-10 тамыз аралығында келушілерге қызмет көрсетіп, ұлттық рух пен салт-дәстүрді сезінуге мүмкіндік береді. Он күн бойы қазақы үйлер тігіліп, мерекелік концерттер, ұлттық спорттық сайыстар, түрлі бағыттағы көрмелер мен тақырыптық безендірулер ұйымдастырылады.
Этноауылдың ресми ашылуы 1 тамыз күні сағат 11:00-де өтеді.
Ұйымдастырушылар Ұлы Абайды ұлықтайтын осы мерейлі мерекеде этноауылға келіп, қазақтың бай мәдениеті мен дәстүріне қанығуға шақырады.
