ҚР Төтенше жағдайлар министрлігі Жарма ауданында Қалбатау ауылынан 15 шақырым жерде 3 көліктің қар құрсауында қалғанын хабарлады, деп хабарлайды BAQ.KZ.
Оқиға орнына ауылдың жедел-құтқару жасағының қызметкерлері жіберілді.
Құтқарушылар үш көліктен бес адамды аман алып қалды, оның ішінде төртеуі – бала. Оларды Қалбатау ауылына жеткізді. Жолда қалғандар медициналық көмекті қажет етпеді, - деп жазды ТЖМ баспасөз қызметі.
