Ақжарқын Тұрлыбайды экстрадициялауға толық мүмкіндік бар – Ахметжанов
8 Қыркүйек 2020, 14:01 1149

Ақжарқын Тұрлыбайды экстрадициялауға толық мүмкіндік бар – Ахметжанов

Нұр-Сұлтан, BAQ.KZ тілшісі. Бұл туралы  Бас прокурордың орынбасары Марат Ахметжанов ҚР Президенті жанындағы ОКҚ-да Президент Жолдауын іске асыру бойынша өткен онлайн конференцияда айтты.

Ақжарқын Тұрлыбайға қатысты шешім өз күшіне енген. Бізде ҚХР-мен сотталғандарды беру бойынша келісімшарт бар. Алдымен одан жазасын Қазақстанда өтегісі келетіні туралы жазбаша мәлімдеме керек. Одан кейін ратификацияланған келісімге сәйкес, ҚХР прокуратурасына оны беру мүмкіндігі туралы өтінім хат жібереміз, - деді ол. 
Ахметжанов атағандай, ол өмір бойына бас бостандығынан айырылып отыр. 
ҚР Қылмыстық кодексінің 297-бабы бойынша бізде де өмір бойына бас бостандығынан айыру жазасы бар. Оның ісі сәйкес келсе, келісімшартқа сәйкес, материалды зерделей отырып, оны жазасын осында өтеу бойынша экстрадициялауға толық мүмкіндік бар. Алайда оның тарапынан Бас прокуратураға жазаны Қазақстанда өтеу бойынша өтініш болған жоқ. Мәлімет бойынша, ҚХР-да заң енді күшіне енді. Бізге ресми өтінім түскен соң, жұмысты бастаймыз, - деді ол.


Фото: ашық дереккөз
Загрузка...